මුදල් සාවද්ය ලෙස පරිහරණය කිරීම, හිටපු ජනාධිපති කාර්ය මණ්ඩල ප්රධානියාට එරෙහි නඩුව දිනපතා විභාගයට..
මුදල් සාවද්ය ලෙස පරිහරණය කළ බවට චෝදනා එල්ලවී ඇති හිටපු ජනාධිපති කාර්ය මණ්ඩල ප්රධානී ගාමිණී සෙනරත් මහතා ඇතුළු පිරිසට එරෙහි නඩුව දිනපතා විභාගයට ගන්නා ලෙස අධිකරණය විසින් නියෝග ලබාදී ඇති බව වාර්තා වේ. පසුගිය රජය සමයේ ලිට්රෝ ගෑස් සමාගමට අයත් රුපියල් මිලියන 500 ක මුදලක් සාවද්ය ලෙස පරිහරණය කළ බවට ගාමිණී සෙනරත් මහතා ඇතුළු සිව් දෙනෙකුට චෝදනා එල්ලව ඇති අතර අදාළ නඩුව ලබන ඔක්තෝබර් 30 වනදා සිට දිනපතා විභාගයට ගන්නැයි අධිකරණය නියම කර තිබේ. අදාළ නඩුව විභාගයට ගනිමින් කොළඹ ත්රිපුද්ගල විශේෂ මහාධිකරණය විසින් මෙම නියෝගය ලබාදී ඇත.