මූල්‍ය ඉතිහාසයේ ප්‍රථම වතාවට ඩොලරය රුපියල් 182 ඉක්මවයි..
මෙරට මූල්‍ය ඉතිහාසයේ ප්‍රථම වතාවට ඇමෙරිකානු එක්සත් ජනපද ඩොලරයක විකුණුම් මිල අද (28) වන විට රුපියල් 182 ක් දක්වා ඉහළ ගොස් ඇති බව වාර්තා වේ. එමෙන්ම ඇමෙරිකානු ඩොලරයක ගැනුම් මිල ප්‍රථම වතාවට රුපියල් 178 ඉක්මවා තිබේ. ශ්‍රී ලංකා මහ බැංකුවේ දෛනික විනිමය අනුපාත දත්ත අනුව අද දිනයේදී එක්සත් ජනපද ඩොලරයක ගැනුම් මිල රුපියල් 178.3257 ක් ද විකුණුම් මිල රුපියල් 182.2733 ක් වන බව සදහන්ය.
