මහජන ආරක්ෂාව උදෙසා සන්නද්ධ හමුදාවන් රාජකාරීවල යෙදවීමට අති විශේෂ ගැසට් පත්‍රයක්..
හදිසි නීතිය දීර්ඝ නොකළ ද රටේ මහජන ආරක්ෂාව උදෙසා සන්නද්ධ හමුදාවන් රාජකාරීවල යෙදවීම අරමුණු කරගනිමින් අති විශේෂ ගැසට් පත්‍රයක් නිකුත් කර ඇත. මහජන ආරක්ෂක පනතේ 12 වන වගන්තියට අනුව තමන් වෙත පැවරි තිබෙන බලතල ප්‍රකාරව ජනාධිපතිවරයා විසින් නිකුත් කර තිබෙන මෙම අති විශේෂ ගැසට් පත්‍රය නිකුත් කර ඇති අතර අතර ඒ අනුව ත්‍රිවිධ හමුදාවන් දිවයිනේ සියළු පරිපාලන දිස්ත්‍රික්ක සහ ඒ ඒ දිස්ත්‍රික්කයට යාබද දේශීය ජල තීරයන්හි ආරක්ෂාවට කැඳවිමට අදාළ ගැසට් නිවේදනය මගින් නියම කර ඇත.
