දිවයිනේ ප්‍රදේශ රැසකට වැසි..
අද (24) දිනය තුළදීත් දිවයිනේ ප්‍රදේශ රැසකට වැසි ඇතිවනු ඇති බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව බස්නාහිර, මධ්‍යම, සබරගමුව, දකුණු, වයඹ සහ උතුරු පළාත්වල මෙන්ම බදුල්ල, අනුරාධපුරය, අම්පාර, මඩකළපුව හා නුවරඑළිය යන දිස්ත්‍රික්කවල ප්‍රදේශ රැසක වැසි ඇතිවනු ඇතැයි එම ආරංචි මාර්ග වැඩිදුරටත් පවසා සිටියි. එමෙන්ම මධ්‍යම කඳුකරයේත් උතුරු, උතුරු මැද සහ වයඹ පළාත්වල සහ ත්‍රිකුණාමලය සහ හම්බන්තොට දිස්ත්‍රික්කවල සුළගේ වේගයේ වැඩිවීමක් සිදුවිය හැකි බව ද කාලගුණ විද්‍යා දෙපාර්තමේන්තුව තවදුරටත් පවසා සිටියි.
