රජයේ මුදල් සාවද්ය ලෙස පරිහරණය කිරීම, විනිමය හා සුරැකුම්පත් කොමිසමේ හිටපු සභාපති නාලක ගොඩහේවාට එරෙහි නඩුව කල්යයි..
රජයේ මුදල් සාවද්ය ලෙස පරිහරණය කළ බවට චෝදනා කරමින් විනිමය හා සුරැකුම්පත් කොමිසමේ හිටපු සභාපති ආචාර්ය නාලක ගොඩහේවා මහතා ඇතුළු තිදෙනෙකුට එරෙහිව ගොනුකර ඇති නඩුව ලබන පෙබරවාරි 05 වනදා තෙක් කල්දැමීමට අධිකරණය විසින් නියෝග කර ඇත. මහින්ද රාජපක්ෂ රජය සමයේ විනිමය හා සුරැකුම්පත් කොමිෂන් සභාවට අයත් රුපියල් ලක්ෂ 50 ක මුදලක් “තාරුණ්යට හෙටක්” සංවිධානය වෙත ලබාදීමෙන් රජයේ මුදල් සාවද්ය ලෙස පරිහරණය කළ බවට චෝදනා කර නීතිපතිවරයා විසින් ගොනු කරන ලද නඩුව අද (26) විභාගයට ගනිමින් කොළඹ මහාධිකරණය විසින් නියෝගය ලබාදී ඇත.