නාමල් රාජපක්ෂට විදෙස් ගතවන්න අවසර..
විදෙස් ගතවීම තහනම් කර තිබූ පාර්ලිමේන්තු මන්ත්රී නාමල් රාජපක්ෂ මහතාට ලබන වසරේ පෙබරවාරි මස 10 වනදා තෙක් විදෙස් ගතවීමට අධිකරණය විසින් අවසර ලබාදී ඇත. අයථා ලෙස මුදල් උපයාගත් බවට චෝදනා කරමින් නාමල් රාජපක්ෂ මහතාට එරෙහිව ගොනුකර ඇති නඩුවක් විභාගයට ගත් කොළඹ මහාධිකරණය විසින් අද (26) මෙම නියෝගය ලබාදී ඇත. පාර්ලිමේන්තු මන්ත්රිවරුයෙක් ලෙස කටයුතු කරමින් අයථා ලෙස උපයා ගත් රුපියල් මිලියන 30 ක මුදලක් ගවර්ස් කෝපරේට් නම් සමාගමක ආයෝජනය කිරීමෙන් මුදල් විශුද්ධිකරණය වැළැක්වීමේ පනතට අනුව වරදක් කර ඇති බවට චෝදනා කරමින් අදාළ නඩුව ගොනුකර ඇත.