වත්මන් ආණ්ඩුව MCC ගිවිසුම අත්සන් කරනවාමයි, හරීන් ප්රනාන්දු මහතා….
සමගි ජන බලවේගය නිර්මාණය කළ දින සිට අද වනතෙක් රටේ ජනතාව වෙනුවෙන් සිදුකරන ලද සෑම ක්රියාවක්ම සාර්ථක වී ඇති අතර කොරෝනා වසංගතය රට තුළ ව්යාප්ත වෙමින් පවතින තත්ත්වයක් තුළ ආණ්ඩුව රට විවෘත කරමින් පවත්වාගෙන යන ලද්දේ මැතිවරණය සඳහා නාම යෝජනාවන් ලබා ගැනීමට වන අතර මාර්තු 19 දින දක්වා රට වසා දැමීමට කටයුතු නොකළ ආණ්ඩුව කොරෝනා ආසාදිතයින් 28 ක් නිසා රට වසාදැමීමට නොහැකි බවට පවසා සිටි අතර එම කියමන සාධාරණිකරණය කිරීමට මාධ්ය මඟින්ද විශාල මෙහෙයක් සිදු කළ බව හරීන් ප්රනාන්දු මහතා අවධාරනය කලේය.එහිදී වැඩිදුරටත් අදහස් දක්වමින් ඒ මහතා සදහන් කලේ කාවින්ද ජයවර්ධන මහතාට එරෙහිව විඩියෝවක් නිර්මාණය කළ පුද්ගලයා අනිවාර්යෙන්ම සොයාගෙන ඔහුට එරෙහිව නීතිය ක්රියාත්මක කිරීමට කටයුතු කළ යුතු බවත් අසභ්ය දේවල් සමාජගත කිරීමට කටයුතු නොකරන ලෙස මාධ්යන්ගෙන් ඉල්ලීමක්ද කර ඇත.
MCC ගිවිසුම සම්බන්ධව වත්මන් බලධාරීන් පසුඟිය ආණ්ඩු සමයේ දී පවසා සිටියේ රුවන්වැලි සෑයට යාමටත් ඇමෙරිකාවෙන් විසා ලබාගැනීමට සිදුවනු ඇති බවට වන අතර අද වන විට එම ගිවිසුම අත්සන් කිරීමට ආණ්ඩුව කටයුතු කරමින් සිටින බවත් අනිවාර්යෙන්ම ආණ්ඩුව මෙම ගිවිසුම අත්සන් කරනු ඇති බවත්ය.