මහ බැංකුවේ මුදල් මණ්ඩලයට නව සාමාජිකයින් දෙදෙනෙකු පත්කිරීම සඳහා ආණ්ඩුක‍්‍රම ව්‍යවස්ථා සභාවේ අනුමැතිය..
ශී‍්‍ර ලංකා මහ බැංකුවේ මුදල් මණ්ඩලය සඳහා නව සාමාජිකයින් දෙදෙනෙකු පත්කිරීම සඳහා ආණ්ඩුක‍්‍රම ව්‍යවස්ථා සභාවේ අනුමැතිය හිමිව ඇති බව වාර්තා වේ. ඒ අනුව ආචාර්ය රාණි ජයමහ සහ සමන්ත කුමාරසිංහ යන දෙදෙනා ශී‍්‍ර ලංකා මහ බැංකුවේ මුදල් මණ්ඩලයේ නව සාමාජිකයින් දෙදෙනෙකු ලෙස පත්කිරීමට අනුමැතිය ලබාදී තිබේ. මහ බැංකුවේ මුදල් මණ්ඩලය සඳහා ජනාධිපති ගෝඨාභය රාජපක්ෂ මහතා විසින් ඉදිරිපත් කර තිබූ ඉහත නාමයෝජනාවන්ට ආණ්ඩුක‍්‍රම ව්‍යවස්ථා සභාව ඒකමතිකව සම්මත කර ඇත. මීට පෙර මුදල් මණ්ඩලයේ සාමාජිකයින් ලෙස කටයුතු කළ නිහාල් ෆොන්සේකා සහ දුෂ්නි වීරකෝන් යන දෙදෙනා එම තනතුරින් ඉල්ලා අස්වීමත් සමඟ ඇතිවූ පුරප්පාඩු සඳහා ඉහත පත්වීම් සිදුකර ඇත.
