නීති විරෝධීව මෙරටට ගෙන්වූ බවට සැක කහ කිලෝ 1000 ක් පේසාලේදී පොලිස් භාරයට..
මුහුදු මාර්ග ඔස්සේ නීති විරෝධී ලෙස මෙරටට ගෙන්වූ බවට සැක කෙරෙන කහ කිලෝග්රෑම් 1000 කට අධික ප්රමාණයක් පේසාලේ ප්රදේශයේ දී සොයගැනීමට පොලිසියට හැකිව ඇති බව වාර්තා වේ. පේසාලේ, පෙරියකර්සල් ප්රදේශයේ දී සැක සහිත ලොරි රථයක් පරික්ෂා කිරීමේ දී මෙම කහ තොගය සොයාගැනීමට හැකිව තිබේ.
ඒ අනුව එම ලොරි රථයේ තිබූ කහ කිලෝග්රෑම් 1024 යි ග්රෑම් 245 ක් පේසාලේ පොලීසිය විසින් සිය භාරයට ගෙන ඇත. පේසාලේ පොලීසිය විසින් මේ සම්බන්ධයෙන් වැඩිදුර විමර්ශන කටයුතු සිදුකරනු ලබයි.