නිරෝධායන නීති පිළිනොපැදීම පිළිබඳ විමසූ මහජන සෞඛ්‍ය පරීක්ෂකවරයෙකුට පහරදීලා..
නිරෝධායන නීති පිළිනොපැදීම පිළිබඳ කළ විමසීමකදී මහජන සෞඛ්‍ය පරීක්ෂකවරයෙකුට පහරදුන් පුද්ගලයෙකු සම්බන්ධයෙන් වව්නියාව පොලීසිය විසින් විමර්ශනයක් ආරම්භ කර ඇති බව වාර්තා වේ. වව්නියාව, ශාන්තසෝලෙයි ප්‍රදේශයේ දී මහජන සෞඛ්‍ය පරීක්ෂකවරයෙකුට පහරදුන් පුද්ගලයෙකු සම්බන්ධයෙන් මෙසේ විශේෂ විමර්ශනයක් ආරම්භ කර ඇත. මුඛ ආවරණ නොපැළඳ යතුරුපැදියකින් ගමන් කරමින් සිටි පුද්ගලයෙකුගෙන්, එසේ මුව ආවරණ නොපැළඳීම සම්බන්ධයෙන් විමසීමන් කළ අවස්ථාවේ අදාළ යතුරුපැදිකරුවා තමන්ට පහරදුන් බවට අදාළ මහජන සෞඛ්‍ය පරීක්ෂකවරයා විසින් පොලිසිය වෙත පැමිණිල්ලක් ඉදිරිපත් කර තිබේ.
