මූල්‍ය වංචා නඩුවකට ඉදිරිපත්වී නෑ, රාජ්‍ය දැව සංස්ථාවේ හිටපු සභාපති අනුරුද්ධ පොල්ගම්පල මහතා අත්අඩංගුවට..
මූල්‍ය වංචාවක් සම්බන්ධයෙන් වන නඩු විභාගයක් සදහා ඉදිරිපත් නොවීමේ චෝදනාව මත රාජ්‍ය දැව සංස්ථාවේ හිටපු සභාපති අනුරුද්ධ පොල්ගම්පල මහතා අත්අඩංගුවට ගෙන ඇති බව වාර්තා වේ. මිලියන 08 ක මූල්‍ය වංචාවක් සම්බන්ධයෙන් වන නඩු විභාගයකට ඉදිරිපත් නොවීමේ චෝදනාව මත ඊයේ (15) අපරාධ පරීක්ෂණ දෙපාර්තමේන්තුව විසින් ඒ මහතා අත්අඩංගුවට ගෙන ඇත. ජනාධිපතිවරයා විසින් පසුගියදා රාජ්‍ය දැව සංස්ථාවේ සභාපතිවරයා ලෙස අනුරුද්ධ පොල්ගම්පල මහතා පත්කරන ලද අතර ඒ මහතාට එම ධූරයේ රැදී සිටීමට හැකිවූයේ සතියක කාලයක් පමණි. අදාළ පත්කිරීම සම්බන්ධයෙන් විවිධ පාර්ශව විසින් එල්ල කරන ලද චෝදනා හමුවේ අදාළ පත්වීම අවලංගු කිරීමට කටයුතු කරන ලදී.
