කාලගුණෙන් පීඩාවට පත්ව සිටින ජනතාවට සහන සැලසීමට කඩිනම් පියවර ගන්න, ජනපති සහ අගමැතිගෙන් උපදෙස්..
මේ වන විට දිවයින පුරා ඇතිවී තිබෙන අයහපත් කාලගුණ තත්ත්වයෙන් පීඩාවට පත්ව සිටින ජනතාවට සහන සැලසීම සදහා කඩිනම් පියවර ගන්නැයි ජනාධිපති මෛත්‍රිපාල සිරිසේන මහතා විසින් බලධාරීන්ට අවශ්‍ය උපදෙස් ලබාදී ඇත. ඊයේ (21) ජනාධිපතිවරයාගේ ප්‍රධානත්වයෙන් පවත්වන ලද සාකච්ඡාවකදී මෙම උපදෙස් ලබාදී ඇති අතර ජනතාවට සහන සැලසීමේදී මූල්‍ය ප්‍රතිපාදන ගැටළුවක් කර නොගන්නා ලෙසද ජනාධිපතිවරයා අවධාරණය කර ඇත. පිඩාවට පත්ව සිටින ජනතාවට සහන සැලසීමේදී සක්‍රීය ලෙස දායක වන්නැයි අග්‍රාමාත්‍ය රනිල් වික්‍රමසිංහ මහතා අදාළ ප්‍රදේශ නියෝජනය කරන පළාත් සභා සහ ප්‍රාදේශීය සභා මන්ත්‍රීවරුන්ගෙන් ඉල්ලීමක් කර ඇත.
