තරුණයින් 11 දෙනෙකු පැහැරගෙන ගොස් අතුරුදහන් කිරීම, ආරක්ෂක මාණ්ඩලික ප්රධානී අද්මිරාල් රවීන්ද්ර විජේගුණවර්ධනට වරෙන්තු..
තරුණයින් 11 දෙනෙකු පැහැරගෙන යාමේ සිද්ධියක් සම්බන්ධයෙන් ආරක්ෂක මාණ්ඩලික ප්රධානී, අද්මිරාල් රවීන්ද්ර විජේගුණවර්ධන මහතා අත්අඩංගුවට ගෙන අධිකරණයට ඉදිරිපත් කරන්නැයි අධිකරණය අද (02) අපරාධ පරීක්ෂණ දෙපාර්තමේන්තුවට නියෝග කර ඇත. තරුණයින් 11 දෙනෙකු පැහැරගෙන ගොස් අතුරුදහන් කිරීමේ සිද්ධියකට අදාළ නඩුව විභාගයට ගනිමින් කොටුව මහේස්ත්රාත් අධිකරණය විසින් මෙම නියෝගය ලබාදී ඇත. ඉහත සිද්ධියට සම්බන්ධයෙන් මේ වන විට රක්ෂිත බන්ධනාගාරගත කර සිටින නාවික හමුදා ලුතිනන් කමාන්ඩර් චන්දන ප්රසාද් හෙට්ටිආරච්චි නොහොත් “නේවි සම්පත්” යන අයට සැඟවීම සදහා උපකාර කළබවට රවීන්ද්ර විජේගුණවර්ධන මහතාට චෝදනා එල්ලවී තිබේ.