පාර්ලිමේන්තුව විසුරුවා, මහ මැතිවරණයකට යාමේ තීරණය ව්යවස්ථා විරෝධියි, අධිකරණය ඉදිරියට යනවා – සමස්ත ලංකා මහජන කොංග්රසය
පාර්ලිමේන්තුව විසුරුවා හැර මහ මැතිවරණයක් පැවැත්වීම සදහා ජනාධිපති මෛත්රීපාල සිරිසේන මහතා විසින් ක්රියාත්මක කරන ලද තීරණය ව්යවස්ථා විරෝධී බැවින්ට ඊට එරෙහිව අධිකරණයට ඉදිරියට යන බව සමස්ත ලංකා මහජන කොංග්රසය අවධාරණය කර සිටියි. ඒ අනුව එහි නායක, හිටපු අමාත්ය රිෂාඩ් බදියුදීන් මහතා පවසා සිටින්නේ අදාළ තීරණයට එරෙහිව ඉදිරියේදී ශ්රේෂ්ඨාධිකරණය හමුවේ නඩුවක් ගොනු කරන බවයි. ජනාධිපතිවරයා විසින් සිදුකළ යුත්තේ සිය බලතල මත පාර්ලිමේන්තුව විසුරුවා හැරීම නොව පාර්ලිමේන්තුව රැස්කර, බහුතරය පෙන්වන පක්ෂයෙන් ආණ්ඩුව පිහිටුවා පසුව තුනෙන් දෙකේ කැමැත්ත මත පාර්ලිමේන්තුව විසුරුවා හැරීම බවද බදියුදීන් මහතා වැඩිදුරටත් පවසා සිටියි.