කථානායකවරයා කටයුතු කර ඇත්තේ ව්යවස්ථාව සහ ස්ථාවර නියෝග නොසලකමිනුයි – ජනාධිපති
පාර්ලිමේන්තුව නීතිය ඉදිරියේ විනිශ්චයට භාජනය වී ඇති අවස්ථාවක කථානායකවරයා ගන්නා ලද ක්රියාමාර්ග එම විනිශ්චයට අගතිදායක ලෙස බලපාන බව ජනාධිපතිවරයා අවධාරණය කර සිටියි. කථානායක කරූ ජයසූරිය මහතා යොමු කරන ලද ලිපියට පිළිතුරු ලිපියක් යවමින් ජනාධිපති මෛත්රීපාල සිරිසේන මහතා විසින් මේ බව සදහන් කර සිටියි. අදාළ ලිපියෙහි වැඩිදුරටත් සදහන් වන්නේ ආණ්ඩුක්රම ව්යවස්ථාවේ සහ ස්ථාවර නියෝගවල, විශ්වාසභංග යෝජනාවක් ඉදිරිපත් කරන ආකාරය මෙන්ම එය සම්මත කර ගන්නා ආකාරය සඳහන් නමුත් කථානායකවරයා එම විධිවිධාන නොසලකා කටයුතු කර ඇති බවයි.