නුදුරේදීම රනිල් වික‍්‍රමසිංහ අග‍්‍රාමාත්‍ය ධුරයට පත්කිරීමට ජනපතිට සිදුවේවි – පාර්ලිමේන්තු මන්ත‍්‍රී අකිල විරාජ් කාරියවසම්
ජනාධිපතිවරයා කුමක් පැවසුවද ඉදිරියේදී රනිල් වික‍්‍රමසිංහ මහතාව අග‍්‍රාමාත්‍ය ධුරයට පත්කිරීමට සිදුවන බව එක්සත් ජාතික පක්ෂ මහ ලේකම්, පාර්ලිමේන්තු මන්ත‍්‍රී අකිල විරාජ් කාරියවසම් මහතා අවධාරණය කර සිටියි. කුමන තත්ත්වයකදී හෝ රනිල් වික‍්‍රමසිංහ මහතාව අග‍්‍රාමාත්‍ය ධුරයට පත්නොකරන බව ජනාධිපති මෛත්‍රීපාල සිරිසේන මහතා ඊයේ (25) සිදුකරන ලද ප්‍රකාශය සම්බන්ධයෙන් අදහස් දක්වමින් අකිල විරාජ් කාරියවසම් මහතා ඉහත අදහස් පළ කර ඇත. අග‍්‍රාමාත්‍ය ධූරය සදහා කිසිදු විටෙක පක්ෂ නායකත්වයේ වෙනසක් සිදුනොකරන බවත් ඉදිරියේදී ආණ්ඩුවට එරෙහිව දැවැන්ත විරෝධතා ව්‍යාපාරයන් දියත් කරන බවත් කාරියවයසම් මහතා වැඩිදුරටත් පවසා සිටින ලදී.
