අගමැති මහින්දගේ පත්වීම බලරහිත කරන්න, පෙත්සම ලබන 30 වනදා කැදවයි..
රනිල් වික්‍රමසිංහ මහතා ඉවත් කර අග්‍රාමාත්‍යධූරය සදහා පත්කරන ලද මහින්ද රාජපක්ෂ මහතාට එම ධූරය දැරීම සදහා නීත්‍යානුකූල අයිතියක් නොමැති බව දක්වමින් අදාළ පත්කිරීම බලරහිත කරන්නැයි ඉල්ලා ගොනු කරන ලද පෙත්සමක් සලකා බැලීම ලබන 30 වනදා සිදුකරන ලෙස අභියාචනාධිකරණය විසින් නියම කර ඇත. අදාළ පෙත්මස කැදවමින් අභියාචනාධිකරණය විසින් අද (26) මෙම නියෝගය කරන ලදී. එක්සත් ජාතික පක්ෂය, දෙමළ ජාතික සන්ධානය, ජනතා විමුක්ති පෙරමුණ සහ ශ්‍රී ලංකා මුස්ලිම් කොංග්‍රස යන පක්ෂ වල පාර්ලිමේන්තු මන්ත්‍රීවරු 122 නෙකු විසින් මෙම පෙත්සම ඉදිරිපත් කර තිබේ.
