හමුදා සෙබළෙකුට තුවාල කර ගිනි අවිය පැහැර ගැනීම, සැකකරුවන් දෙදෙනා රිමාන්ඩ්..
හමුදා සෙබළෙකුට තුවාල කර ඔහුගේ ගිනි අවිය පැහැර ගැනීම සම්බන්ධයෙන් අත්අඩංගුවට ගත් සැකකරුවන් දෙදෙනා ජනවාරි මස 09 වනදා තෙක් රක්ෂිත බන්ධනාගාර ගත කරන්නැයි වව්නියාව මහේස්ත්රාත් අධිකරණය විසින් ඊයේ (26) නියෝග කර ඇත. අදාළ සැකකරුවන් දෙදෙනා ඊයේ අධිකරණයට ඉදිරිපත් කරන ලද අවස්ථාවේ මෙම නියෝගය ලබාදී තිබේ. වව්නියාව, බෝගස්වැව හත්වන සිංහ රෙජිමේන්තු යුධ හමුදා කඳවුරේ සේවය කරන ලද හමුදා සෙබළෙකුට තුවාල කර ගිනි අවිය පැහැර ගැනීමේ සිද්ධිය සම්බන්ධයෙන් සිදුකරන ලද විමර්ශනයන්ට අනුව වව්නියාව පොලිසිය විසින් සැකකරුවන් දෙදෙනෙකු සහ පැහැර ගන්නා ලද ගිනි අවියත් උණ්ඩ සහිත මැගසිනයත් අත්අඩංගුවට ගන්නා ලදී.