පුද්ගලයෙකුට පහරදුන් පොලිස් නිලධාරීන්ගේ වැඩ තහනම් කර පරීක්ෂණයක් කරන්න, අමාත්‍ය සරත් වීරසේකරගෙන් පොලිස්පතිට නියෝග..
පුද්ගලයෙකුට පහරදීම සම්බන්ධයෙන් චෝදනා එල්ලව සිටින පොලිස් නිලධාරීන්ගේ වැඩ තහනම් කොට එම පහරදීම පිළිබඳ නිසි පරීක්ෂණයක් සිදුකරන්නැයි මහජන ආරක්ෂක අමාත්‍ය සරත් වීරසේකර මහතා පොලිස්පතිවරයාට උපදෙස් ලබාදී ඇති බව වාර්තා වේ. පෑලියගොඩ පොලිස් ස්ථානයේදී නීති ශිෂ්‍යයෙකුට පහරදීම සම්බන්ධයෙන් පොලිස් නිලධාරින් කිහිපදෙනෙකුට චෝදනා එල්ලවී තිබේ. පහරකෑමට ලක්වූ සිසුවා රාගම රෝහලට ඇතුළත් කර තිබේ.
