ගම්මන්පිලට එරෙහි විශ්වාසභංග යෝජනාව ගැන අද සාකච්ඡාවක් ..
බලශක්ති අමාත්ය උදය ගම්මන්පිල මහතාට එරෙහිව සමගි ජනබලවේගය විසින් කථානායකවරයාට ඉදිරිපත් කර ඇති විශ්වාසභංග යෝජනාව විවාදයට ගන්නා දිනය පිළිබඳව අද (05) දිනයේ තීරණය කිරීමට නියමිත බව වාර්තා වේ.ඒ අනුව කථානායක මහින්ද යාපා අබේවර්ධන මහතාගේ ප්රධානත්වයෙන් අද පෙරවරුවේ රැස්වන පාර්ලිමේන්තු කටයුතු පිළිබඳ කාරක සභාවේ දී මේ සම්බන්ධයෙන් අවසන් තීරණයක් ගැනීමට නියමිතව ඇත. මීට අමතරව ඉදිරි සතියේ පාර්ලිමේන්තු කටයුතු පැවැත්වීම පිළිබඳව ද අද දිනයේ රැස්වන පාර්ලිමේන්තු කටයුතු පිළිබඳ කාරක සභාවේ දී තිරණය කිරීමට නියමිතව ඇත.