දුම්රියේ අක්‍රමිකතා සොයන්න කොමිසමක් පත්කරන්න, දුම්රිය ස්ථානාධිපතිවරුන් ජනපතිගෙන් ඉල්ලයි..
දුම්රිය දෙපාර්තමේන්තුව තුළ සිදුවන බව පැවසෙන විවිධ අක්‍රමිකතා සම්බන්ධයෙන් විමර්ශනය කිරීම සඳහා ජනාධිපති කොමිෂන් සභාවක් පත්කරන ලෙස දුම්රිය ස්ථානාධිපතිවරුන්ගේ සංගමය විසින් ජනාධිපති ගෝඨාභය රාජපක්‍ෂ මහතාගෙන් ඉල්ලීමක් සිදුකර ඇත. යම් හෙයකින් එවැනි කොමිෂන් සභාවක් පත්කළහොත් දුම්රිය දෙපාර්තමේන්තුවේ වෘත්තීය සංගම් රැසක් දෙපාර්තමේන්තුව තුළ සිදුවන බව පැවසෙන අක්‍රමිකතා පිළිබඳ කරුණු රැසක් හෙළිකරන බවද දුම්රිය ස්ථානාධිපතිවරුන්ගේ සංගමය තවදුරටත් අවධාරණය කර සිටියි.
