ලබන 08 වැනිදාට පෙර මෙරටට පැමිණ බැදුම්කරය ගැන කියන්න, හිටපු මහබැංකු අධිපති අර්ජුන්ට අධිවේගී තැපෑලෙන් සිතාසි..
මෙරට මහත් ආන්දෝලනයකට ලක්ව ඇති මහ බැංකු බැදුම්කර සිදුවීම සම්බන්ධයෙන් ලබන 08 වැනිදාට පෙර මෙරටට පැමිණ අපරාධ පරීක්ෂණ දෙපාර්තමේන්තුව වෙත ප්‍රකාශයක් ලබා දෙන්නැයි හිටපු මහබැංකු අධිපති අර්ජුන් මහේන්ද්‍රන් මහතාට සිතාසි නිකුත් කරන ලෙස අධිකරණය විසින් අද (16) නියෝග කර ඇත. කොළඹ කොටුව මහේස්ත්‍රාත් අධිකරණය විසින් මෙම නියෝගය ලබා දී ඇති අතර අදාළ සිතාසිය අධිවේගී තැපෑල් මාර්ගයෙන් හෝ කුරියර් සේවාව මගින් යොමු කරන ලෙස ද අදාළ නියෝගයෙන් වැඩිදුරටත් දන්වා ඇත.
