ප්‍රදේශ කිහිපයකට පැය 12 ක් අද වතුර නෑ..
ප්‍රදේශ කිහිපයකට අද (28) දිනය තුළ පැය 12 ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය අනාවරණය කර සිටියි. ඒ අනුව අද උදෑසන 09.00 සිට රාත්‍රී 09.00 දක්වා කාලය තුළ කැළණිය, වත්තල, බියගම, මහර, සහ ජා ඇළ යන ප්‍රදේශිය සභා බල ප්‍රදේශ, පෑලියගොඩ, වත්තල,ජා ඇල සහ කටුනායක, සීදූව යන නගර සභා බල ප්‍රදේශ මෙන්ම දොම්පේ ප්‍රාදේශිය සභා බල ප්‍රදේශයට අයත් ප්‍රදේශ කිහිපයක් සහ ගම්පහ ප්‍රාදේශිය සභාවට අයත් ප්‍රදේශ කිහිපයකට ජල සැපයුම අත්හිටුවෙනු ඇත. අත්‍යවශ්‍ය නඩත්තු කටයුත්තක් නිසා මෙසේ ජල සැපයුම කප්පාදු කරන බව ජාතික ජල සම්පාදන හා ජලාපවහන මණ්ඩලය වැඩිදුරටත් පවසා සිටියි.
