පදික වෙළඳුන් වෙනුවෙන් සෑම අවස්ථාවකදීම පෙනී සිටිනවා – අමාත්‍ය ෆයිසර් මුස්තාෆා
පදික වෙළඳුන් වෙනුවෙන් සෑම අවස්ථාවකදීම තමන් පෙනී සිටින බව පළාත් සභා හා පළාත් පාලන අමාත්‍ය ෆයිසර් මුස්තාෆා මහතා අවධාරණය කර සිටියි. එසේම කොළඹ, පිටකොටුව මල්වත්ත පාරේ පදික වෙළඳුන් ඉවත් කිරීමට තමන් කිසිදු අයුරකින් අවස්ථාව නොදෙන බවත් අමාත්‍යවරයා වැඩිදුරටත් පවසා සිටියි. පිටකොටුවේ, මල්වත්ත මාර්ගයේ සිදුකරනු ලබන අලුත්වැඩියා කටයුත්තක් නිසා එම මාර්ගයේ පදික වෙළඳාමේ යෙදී සිටින වෙළදුන්ට ඉවත් වන ලෙස කොළඹ නාගරික කොමසාරිස්වරයා විසින් ලිපියක් මගින් දැනුම් දී තිබෙන බව ද වාර්තා වේ.
