පාසල් පෝෂණ වැඩසටහනට තව පාසල් 1000 ක් නම් කෙරේ…
මේ වසරේදී අලුතින් පාසල් 1000 ක් සදහා පාසල් පෝෂණ වැඩසටහන ලබා දීමට අධ්‍යාපන හා සෞඛ්‍ය අමාත්‍යංශය අතර පැවති සාකච්ඡාවකදී තීරණය කර ඇත. ඒ අනුව පාසල් 7904 ක සිසුන් මිලියන 1.2 ක් සදහා මෙරට සමස්ත පාසැල් සංඛ්‍යාෙවන් 27% ක් වෙත නොමිලේ දිවා ආහාරය ලබා දෙන අතර එය සියලූම පාසල් ආවරණය වන පරිදි ව්‍යාප්ත කිරීමට කටයුතු කරන බව අධ්‍යාපන අමාත්‍යංශය පවසයි. එහිදී ළමුන් සදහා පාසල් ආපන ශාලාවලින් ලබා දෙන ආහාර වල ගුණාත්මකභාවය සහ පෝෂණය පිළිබදව විශේෂ අවධානයක් යොමු කිරීමටද අධ්‍යපන අමාත්‍යංශය තීරණය කර ඇත.
