යුධ හමුදා ක්රිකට් පිලට ජාත්යන්තර ක්රිකට් සංචාර වරම් ලැබේ…
මැලේසියා ක්රිකට් සංගමයේ ආරාධනාවකට අනුව ශ්රී ලංකා යුද්ධ හමුදා ක්රිකට් කණ්ඩායම පසුගිය දින මැලේසියාව බලා පිටත්ව ගොස් ඇත. මේ මස 27 සිට 30 දක්වා ජාත්යන්තර ශුරතා ලීග් 20/20 තරඟාවලිය පැවැත්වෙන අතර ඒ සදහා යුද්ධ හමුදා ක්රිකට් කණ්ඩායමට තරඟ වැඳිමටද අවස්ථාව හිමිව ඇති බවත් ඉන් අනතුරුව ලබන මස 1 සිට 3 දක්වා එක්දින තරඟ (පන්දුවාර 50) 03 ක් සඳහා ද තරග වැදීමට නියමිතය. මෙම තරගාවලිය සදහා ශ්රී ලංකා ජාතික ක්රිකට් කණ්ඩායමේ සාමාජිකයන් වන ලුතිතන් අජන්ත මෙන්ඩිස් සහ බලලත් නිලධාරී 1 සීක්කුගේ ප්රසන්න යන ක්රීඩකයන් ද නම් කර ඇති අතර විවිධ රටවල පැවැත්වෙන මෙවැනි තරග සදහා යොමු වීම තුළින් ක්රීඩකයන් අතර ආත්ම විශ්වාසය වැඩිදියුණු කර ගත හැකි බව ක්රිකට් විචාරකයින් අදහස් දක්වයි.