සැඩපහරකට අසුවී සිටි පිරිසක් බේරාගැනීමේදී අතුරුදන් වූ පොලිස් නිලධාරියාගේ සිරුර හමුවෙයි..
සැඩපහරකට අසුවී සිටි පිරිසක් බේරාගැනීම සදහා උත්සහ කිරීමේදී එම සැඩ පහරට අසුව අතුරුදහන් වූ මාදම්පේ පොලීසියට අනියුක්තව සේවය කරමින් සිටි පොලිස් කොස්තාපල්වරයාගේ සිරුර අද (27) උදෑසන හමුවී ඇති බව වාර්තා වේ. මෙම පොලිස් නිලධාරියා සොයා නාවික හමුදාව විසින් සිදුකරන ලද මෙහෙයුමකදී අතුරුදහන් වූ ස්ථානයේ සිට මීටර් 200 ක් පමණ දුරින් මෙම පොලිස් නිලධාරියාගේ සිරුර හමුවී ඇත. මෙලෙස අවාසනාවන්ත ලෙස මියගියේ මාදම්පේ පොලීසියට අනුයුක්තව සේවය කළ පොලිස් කොස්තාපල් 88587 ඩිලාන් සම්පත් නැමැති පොලිස් නිලධාරියායි. මියයන විට ඔහු 29 හැවිරිදි වියේ පසුවිය.
