උතුරු පළාතත් ජාතික සංවර්ධන සැලසුම් සඳහා එකතු කරගන්නවා – රනිල් වික්රමසිංහ ..
මේ වන විට රට තුළ යුද්ධය අවසන්ව ඇති නිසා උතුරු පළාතත් ජාතික සංවර්ධන සැලසුම් සඳහා එකතු කර ගැනීමට හැකිව ඇතැයි අගමැති රනිල් වික්රමසිංහ මහතා පවසයි. ඒ මහතා වැඩිදුරටත් පවසා සිටින්නේ මේ රටේ දළ දේශීය නිෂ්පාදනයට කිලිනොච්චිය ප්රදේශයෙන් ලැබෙන දායකත්වය තවත් දශම එකකින් හෝ වැඩි කර ගැනීමට ක්රියා කළ යුතු බවයි. උතුරු පළාතේ සිදුවන සංවර්ධන වැඩ කටයුතු පිළිබඳව සොයා බැලීමේ නිරීක්ෂණ චාරිකාවකට එක්වෙමින් ඊයේ (28) කිළිනොච්චි සංවර්ධන කමිටුව අමතමින් අගමැතිවරයා මේ බව පවසා සිටින ලදී. ඉදිරියේදීත් මේ ප්රදේශවලට පැමිණ සංවර්ධන වැඩ කටයුතු පිළිබඳව නැවත සොයා බැලීමට තමා කටයුතු කරන බවත් උතුරු පළාත ද ජාතික සංවර්ධනයට කඩිනමින් යොදා ගන්නා බවත් අගමැති රනිල් වික්රමසිංහ මහතා වැඩිදුරටත් පවසන ලදී.