අධිකරණයට අපහාස කළැයි චෝදනා කරමින් වෛද්‍ය පාදෙණිය මහතාට එරෙහිව කරන ලද පැමිණිල්ල විභාගයට දින නියම වෙයි..
රජයේ වෛද්‍ය නිලධාරීන්ගේ සංගමයේ සභාපති වෛද්‍ය අනුරුද්ධ පාදෙණිය මහතා අධිකරණයට අපහාස වන ලෙස අදහස් පළකරන ලද බවට චෝදනා කරමින් ගොනුකරන ලද පැමිණිල්ල ලබන සැප්තැම්බර් 04 වන දා විභාගයට ගැනීමට අභියාචනාධිකරණය තීරණය කර ඇත.මාලඹේ “සයිටම්” පුද්ගලික වෛද්‍ය විද්‍යාලය සම්බන්ධයෙන් අභියාචනාධිකරණය විසින් ලබාදෙන ලද නඩු තීන්දුව විවේචනය කර අදහස් පළකරමින් වෛද්‍ය පාදෙණිය මහතා අධිකරණයට අපහාස කළ බවට චෝදනා කරමින් සිවිල් සංවිධාන ක්‍රියාකාරින් වන මහාචාර්ය සරත් විජේසූරිය සහ ගාමිණී වියන්ගොඩ යන මහත්වරුන් විසින් මෙම පැමිණිල්ල ඉදිරිපත් කරන ලද අතර එය අද (05) කැඳවූ අවස්ථාවේදී ලබන සැප්තැම්බර් 04 වනදා පැමිණිල්ල යළි කැදවන බවට අභියාචනාධිකරණය තීරණය කර ඇත.
