මිල අධික ඖෂධ වර්ග රැසක මිල ලබන ජූලි පහළට..
ඖෂධ වර්ග රැසක මිල ගණන් ලබන ජූලි මාසයේ සිට පහළ දැමීමට තීරණය කර ඇති බව සෞඛ්‍ය අමාත්‍යංශය අනාවරණය කර සිටියි. ඒ අනුව මිල ඉතා ඉහළ පවතින පිළිකා රෝගය වෙනුවෙන් ලබාදෙන ඖෂධ ඇතුළු තවත් ඖෂධ වර්ග රැසක මිල ලබන ජුලි මාසයේ සිට පහළ දමන බව එම ආරංචි මාර්ග වැඩිදුරටත් පවසා සිටියි. මීට පෙරද අත්‍යාවශ්‍ය ඖෂධ වර්ග 48 ක මිල පහළ දැමීමට සෞඛ්‍ය අමාත්‍යංශය විසින් කටයුතු කරන ලද අතර එහි දෙවන අදියර ලෙස මෙම මිල අධික ඖෂධ කිහිපයක මිල අඩු කිරීමට නියමිතව ඇත.
