පාලමක අලුත්වැඩියාවක්, පුත්තලම මාර්ගයේ දුම්රිය ධාවනය අද සහ හෙට සීමාවෙයි..
දුම්රිය මාර්ගයේ පාලමක අලුත්වැඩියාවක් හේතුවෙන් පුත්තලම මාර්ගයේ දුම්රිය ධාවනය අද (23) සහ හෙට (24) දෙදින තුළ සීමා කිරීමට තීරණය කර ඇතැයි දුම්රිය දෙපාර්තමේන්තු ආරංචි මාර්ග අනාවරණය කර සිටියි. සීදුව සහ කටුනායක අතර පාලමක් මෙසේ අලූත්වැඩියා කිරීම නිසා අද උදෑසන 08.00 සිට හෙට සවස 04.00 දක්වා කොළඹ සිට පුත්තලම දක්වා ඍජු දුම්රිය සේවා අත්හිටුවෙනු ඇත. ඒ අනුව කොළඹ සිට සීදුව දුම්රිය ස්ථානය දක්වා පමණක් දුම්රිය සේවා ක්‍රියාත්මක වන අතර මීගමුවේ සිට පුත්තලම දක්වා වෙනමම දුම්රිය කිහිපයක් ධාවනය කිරීමට කටයුතු යොදා ඇති බව එම ආරංචි මාර්ග තවදුරටත් පවසා සිටියි.
