ලොව දීර්ඝතම චන්ද්‍ර ග්‍රහණය ලබන 27 වනදා ….
එලඹෙන ජූලි 27 වැනිදා 21 වන සියවසේ සිදුවන දීර්ඝතම චන්ද්‍ර ග්‍රහණය නැරඹිමේ අවස්ථාව උදාවන බව space.com වෙබ් අඩවිය නිවේදනය කරයි. ඒ අනුව මෙම පුර්ණ රතු චන්ද්‍ර ග්‍රහණය පැය 1 විනාඩි 43 ක කාලයක් පවතිනු ඇති බවත් එය අප්‍රිකාව, මැදපෙරදිග, මධ්‍යම ආසියාව සහ ඉන්දීය සාගර කළාපයට ආසන්නයේ පිහිටි රටවලට හොඳින් දර්ශනය වනු ඇති බවත් එම වෙබ් අඩවියේ සදහන් කර ඇත. මෙම චන්ද්‍ර ග්‍රහණය පියවි ඇසට දර්ශනය වන අතර එහිදී චන්ද්‍රයාගේ පැහැය තද රතු හෝ දුඹුරු මිශ්‍ර රතු පැහැයක් ගනු ඇති බව වැඩිදුරටත් සදහන් කර ඇත. මීළඟ චන්ද්‍ර ග්‍රහණය 2019 වසරේ ජනවාරි 21 වනදා සිදුවිමට නියමිත බවට අනාවැකි ඵල කරයි.
