ජනපති සමග විශේෂ සාකච්ඡාවකින් පසුව දුම්රිය වර්ජනය අවසන් වෙයි..
ඉල්ලීම් කිහිපයක් සම්බන්ධයෙන් විසදුම් ලබාදෙන ලෙස බලකරමින් දුම්රිය වෘත්තීය සමිති විසින් දින කිහිපයක් පුරා දියත් කරන ලද වැඩ වර්ජනය අත්හිටුවා ඇති බව වාර්තා වේ. ජනාධිපති මෛත්‍රීපාල සිරිසේන මහතා සමඟ පැවති සාකච්ඡාවකින් පසුව මෙම තීරණයට එළඹි බව එම දුම්රිය වෘත්තීය සමිති අවධාරණය කර සිටියි.
පොළොන්නරුවේ පිහිටි ජනාධිපති නිල නිවසේ දී අද (12) උදෑසන මෙම විශේෂ සාකච්ඡාව පවත්වා ඇති අතර සිය ගැටළු සම්බන්ධයෙන් කඩිනම් විසදුම් ලබාදෙන බවට ජනාධිපතිවරයා විසින් ලබාදුන් පොරොන්දුවට අනුව සිය වර්ජනය අත්හිටවූ බව එම දුම්රිය සේවක වෘත්තීය සමිති අනාවරණය කර සිටියි.
