මෙරට ආර්ථික අර්බුදයට විසදුම් සෙවීමට නම් වත්මන් ජනාධිපති සහ හිටපු ජනාධිපති එක්වියයුතුයි – පාර්ලිමේන්තු මන්ත්රී එස්.බී දිසානායක
ශ්රී ලංකාව මේ වන විට මුහුණ දී ඇති ආර්ථික අර්බුදයට විසදුම් සෙවීමට නම් වත්මන් ජනාධිපති මෛත්රීපාල සිරිසේන සහ හිටපු ජනාධිපති මහින්ද රාජපක්ෂ යන මහත්වරුන් එක්ව කටයුතු කළයුතුව ඇති බව පාර්ලිමේන්තු මන්ත්රී එස්.බී දිසානායක මහතා පවසා සිටියි. ඇමෙරිකානු ඩොලරයට සාපේක්ෂව මෙරට රුපියල අවප්රමාණය වීම, ඉන්ධන මිල ඉහළ යාම ඇතුළු මෙරට ආර්ථිකය තුළ මේ වන විට උද්ගතව ඇති විවිධ ගැටළුකාරී තත්ත්වයන් නිරාකරණය කරගැනීමේ ක්රමවේදයක් සකස් කළ හැකිවන්නේ එසේ ඔවුන් දෙදෙනා එක්ව සකස් කෙරෙන ආර්ථික ප්රතිපත්ති තුළින් පමණක් බවද දිසානායක මහතා තවදුරටත් පවසා සිටියි.
වත්මන් යහපාලන ආණ්ඩුවේ ආර්ථික ප්රතිපත්ති රටට කිසිදු අයුරකින් සුභදායක නොවන බවත් ආයෝජන කිරීමට තරම් ව්යාපාරිකයන්ට මෙරට සම්බන්ධයෙන් විශ්වාසයක් නොමැති බවත් පාර්ලිමේන්තු මන්ත්රී එස්.බී දිසානායක මහතා තවදුරටත් පවසා ඇත.