ටයර් මිලත් උඩයයි..
ටයර් මිල ඉහළ දැමීමට ටයර් ආනයන සමාගම් විසින් තීරණය කර ඇති බව වාර්තා වේ. ඇමෙරිකානු ඩොලරයේ අගය ඉහළ යාම සහ විනිමය අනුපාත හේතුවෙන් මෙම තීරණයට එළඹුනු බව එම සමාගම් අනාවරණය කර සිටියි. අදාළ තීරණයට අනුව ත්‍රිරෝද රථ සහ යතුරු පැදි සදහා භාවිතා කරනු ලබන ටයර් මිල ගණන් 12% කින්ද, කාර් රථ සදහා භාවිතා කරනු ලබන ටයර් මිල ගණන් 10% කින්ද, ලොරි සහ බස් රථ සදහා භාවිතා කරනු ලබන ටයර් මිල ගණන් 10% ත් 15% කින් ඉහළ යනු ඇත. ලබන 10 වනදා සිට මෙම නව මිල ගණන් ක්‍රියාත්මක වනු ඇත.
