අගුණකොලපැලැස්ස බන්ධනාගාරයේ විරෝධතාවය, අනුබලදුන් නිලධාරීන් 06 කට වැඩ වරදියි..
පොලිස් විශේෂ කාර්ය බලකායේ නිලධාරීන් ආරක්ෂාව සදහා යෙදවීමෙන් අනතුරුව අගුණකොලපැලැස්ස බන්ධනාගාරයේ රැඳවියන් පිරිසක් විසින් පසුගියදා එම බන්ධනාගාර පරිශ්‍රයේ දියත් කරන ලද විරෝධතාවයට එම බන්ධනාගාරයේ නිලධාරීන් 06 දෙනෙකු අනුබල දී ඇතැයි හෙළිවී ඇති බව වාර්තා වේ. ඒ අනුව අදාළ නිලධාරීන්ට එරෙහිව බන්ධනාගාර දෙපාර්තමේන්තුව විසින් විනය ක්‍රියාමාර්ග ගැනීමට නියමිතව ඇති බවද බන්ධනාගාර ආරංචි මාර්ග අනාවරණය කර සිටියි. මේ වන විට ජේලර්වරයෙකුගේ වැඩ තහනම් කර තිබෙන අතර තවත් ජේලර්වරයෙකුට සහ බන්ධනාගාර නියාමක නිලධාරීන් හතර දෙනෙකුට ස්ථාන මාරුවක් ලබාදීමට ද නියමිතව ඇත. බන්ධනාගාරයේ ආරක්ෂාව සදහ පොලිස් විශේෂ කාර්ය බලකායේ නිලධාරීන් යෙදවීම නිසා තමන්ට රැදවියන්ට විවිධ නීතිවිරෝධී උපකාර කර විවිධ වරප්‍රසාද ලබාගැනීමට බාධා ඇතිවනු ඇති බැවින් මේ අකාරයට අදාළ විරෝධතාවය අනුබල දීමට මෙම බන්ධනාගාර නිලධාරීන් කටයුතු කර ඇතිය තොරතුරු අනාවරණය වී තිබේ. අදාළ විරෝධතාවයට සම්බන්ධවූ රැඳවියන් 8 දෙනෙකු පසුගිය දිනෙක වෙනත් බන්ධනාගාරවලට මාරු කිරීමට බලධාරීන් කටයුතු කරන ලදී.
