මහින්ද පත්කර රනිල් ඉවත්කිරීමට අදාළ ගැසට් නිවේදන නිකුත් වෙයි..
නව අග්‍රාමාත්‍යවරයා ලෙස මහින්ද රාජපක්ෂ මහතා පත්කිරීම සහ රනිල් වික්‍රමසිංහ මහතා අග්‍රාමාත්‍යධුරයෙන් ඉවත්කිරීමට අදාළ ගැසට් නිවේදන නිකුත් කර ඇති බව වාර්තා වේ. රනිල් වික්‍රමසිංහ මහතා අග්‍රාමාත්‍යධුරයෙන් ඉවත් කිරීමට අදාළ 2094/43 දරණ ගැසට් නිවේදනයෙහි අග්‍රාමාත්‍යධූරයට පත්කිරීමේ බලධාරියා ලෙස ජනාධිපතිවරයා සතු බලතල අනුව රනිල් වික්‍රමසිංහ මහතා අග්‍රාමාත්‍යධූරයෙන් ඉවත්කරන ලද බව සදහන්ව ඇත. රනිල් වික්‍රමසිංහ මහතා අග්‍රාමාත්‍යධූරයෙන් ඉවත්කර මහින්ද රාජපක්ෂ මහතා එම ධූරයට පත්කිරීම නීත්‍යානුකූල බව ජනාධිපති නීතීඥ මනෝහරද සිල්වා මහතා අවධාරණය කර සිටියි.
ආණ්ඩුක්‍රම ව්‍යවස්ථාවේ 42(4) ව්‍යවස්ථාවට අනුව පාර්ලිමේන්තු මන්ත්‍රී මහින්ද රාජපක්ෂ මහතා 2018.10.26 වනදා සිට ශ්‍රී ලංකා ප්‍රජාතාන්ත්‍රික සමාජවාදී ජනරජයේ අග්‍රාමාත්‍යධුරය සදහා පත්කරන ලද බව 2094/44 දරන ගැසට් නිවේදනය මගින් නිවේදනය කර ඇත.
