අදත් වැසි හෝ ගිගුරුම් සහිත වැසි ..
දිවයිනේ බොහෝ පළාත්වල සවස 2.00න් පසුව තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව පවසයි.නැනෙනහිර සහ ඌව පළාත්වලත් හම්බන්තොට දිස්ත්රික්කයේත් උදෑසන කාලයේදී වැසි ඇති විය හැකි බවත් මධ්යම, සබරගමුව සහ බස්නාහිර පළාත්වල සමහර ප්රදේශවල උදෑසන කාලයේදී මීදුම් සහිත තත්ත්වයක් ඇති විය හැකි බවත් කාලගුණ විද්යා දෙපාර්තමේන්තුව වැඩි දුරටත් පවසයි. ගිගුරුම් සහිත වැසි ඇති වන විට එම ප්රදේශවවල තාවකාලිකව තද සුළං ඇති විය හැකි අතර අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටින බවත් එම දෙපාර්තමේන්තුව පවසයි. පොතුවිල් සිට ත්රිකුණාමලය සහ කන්කසන්තුරය හරහා මන්නාරම දක්වා වෙරළට ඔබ්බෙන් වන මුහුදු ප්රදේශවල තැනින් තැන වැසි හෝ ගිගුරුම් සහිත වැසි ඇති වේ. හම්බන්තොට සිට පොතුවිල් සහ ත්රිකුණාමලය හරහා කන්කසන්තුරය දක්වා වෙරළට ඔබ්බෙන් වන මුහුදු ප්රදේශවල සුළං ඊසාන සිට නැගෙනහිර දක්වා වන දිශාවලින් හමන අතර සුළඟේ වේගය පැ.කි.මී. 30-40 පමණ වන බවත් කාලගුණ විද්යා දෙපාර්තමේන්තුව පවසයි.