වන අලින් පලවා හැරීමට ඩ්රෝන තාක්ෂණය..
ජන ජීවිතයට බාධා වන ලෙස ගම් වදින වන අලින් පලවා හැරීම සදහා ඩ්රෝන තාක්ෂණය යොදා ගැනීමට වන ජීවි දෙපාර්තමේන්තුව තීරණය කර ඇති බව වාර්තා වේ. ඒ අනුව ප්රථම වරට අලින් පලවා හැරීම සදහා ඩ්රෝන තාක්ෂණය යොදා ගැනීම ඊයේ (07) පුත්තලම, කල්අඩිය, ගල්වල ප්රදේශයේදී සිදුකර තිබේ. අනුරාධපුර ගුවන් හමුදා කඳවුරේ නිළධාරින් මෙහිදී ඩ්රෝන කැමරා ක්රියාත්මක කරමින් සිය සහාය ලබා දී ඇති අතර මෙම තාක්ෂණය ඔස්සේ ගුවන් ඡායාරූප ලබාගෙන ඒ අනුව වන අලින් පලවා හැරීම සිදුකරන බව වන ජීවි දෙපාර්තමේන්තුව වැඩිදුරටත් පවසා සිටියි.