බස්නාහිර පළාතේ බස් ගැන අද සිට දැඩි අවධානය, බස්නාහිර පළාත් මාර්ගස්ථ මගී ප‍්‍රවාහන අධිකාරියෙන් පුළුල් මෙහෙයුමක්..
බස්නාහිර පළාත තුළ ධාවනය කරනු ලබන පුද්ගලික බස් රථ සම්බන්ධයෙන් දැඩි අවධානය යොමුකරමින් විවිධ වැටලීම් සිදුකිරීමට නියමිතව ඇති බව බස්නාහිර පළාත් මාර්ගස්ථ මගී ප‍්‍රවාහන අධිකාරිය අවධාරණය කර සිටියි. ඒ අනුවබස් රියදුරන් සහ කොන්දොස්තරවරුන් මත්ද්‍රව්‍ය භාවිත කරන්නේ දැයි සොයා බැලීමටත් මගීන් හට ප‍්‍රවේශ පත‍්‍රයක් ලබාදෙන්නේද යන්න සම්බන්ධයෙන් සොයාබැලිමටත් අද (01) සිට පුළුල් මෙහෙයුම් සිදුකරන බව බස්නාහිර පළාත් මාර්ගස්ථ මගී ප‍්‍රවාහන අධිකාරිය වැඩිදුරටත් පවසා සිටියි. එමෙන්ම බස්නාහිර පළාතේ සියළු පෞද්ගලික බස් රථ වෙනුවෙන් ලබාදී තිබෙන වර්ණය හැර වෙනත් වර්ණයක් භාවිතා කළ නොහැකි බවත් ඉදිරි මාස තුනක සහන කාලය තුළ අදාළ වර්ණයෙන් බස්රථ වර්ණ ගැන්විය යුතු බවත් බස්නාහිර පළාත් මාර්ගස්ථ මගී ප‍්‍රවාහන අධිකාරිය වැඩිදුරටත් පවසා සිටියි.
