ජීව අත්බෝම්බයක් සහ තියුණු ආයුධ සමග සැකකරුවෙකු එරාවුර්හිදී දැලේ..
ජීව අත්බෝම්බයක් සහ තියුණු ආයුධ සන්තකයේ තබාගෙන සිටි විස් එක් හැවිරිදි පුද්ගලයෙකු මඩකලපුව කොට්ඨාශ බුද්ධි නිලධාරින් විසින් අත්අඩංගුවට ගෙන ඇති බව වාර්තා වේ. එරාවූර්, අයියන්කේනී ප්රදේශයේ දී සිදුකළ මෙහෙයුමකදී මෙම සැකකරු අත්අඩංගුවට ගෙන ඇති අතර එහිදී විදෙස් රටක නිෂ්පාදනය කරන ලද ජීව අත්බෝම්බයක් සහ කඩු දෙකක් සොයාගැනීමට අදාළ නිලධාරීන්ට හැකිවී තිබේ. අයියන්කේනී ප්රදේශයේ පදිංචි අදාළ සැකකරු අද (09) එරාවූර් මහේස්ත්රාත් අධිකරණය හමුවට ඉදිරිපත් කිරීමට නියමිතව ඇති බව ද වාර්තා වේ.