පොදු ස්ථානවල නවතන වාහනවල ඉදිරිපස වීදුරුවේ නම සහ දුරකථන අංකය ප්‍රදර්ශනය කරන්න, පොලීසියෙන් ඉල්ලීමක්..
රට තුළ මේ වන විට ඇතිවී තිබෙන අනාරක්ෂිත තත්ත්වය හමුවේ ආරක්ෂාකාරි පියවරක් ලෙස පොදු ස්ථානවල නවතනු ලබන වාහනවල ඉදිරිපස වීදුරුව මත සිය නම සහ ජංගම දුරකථන අංකය පැහැදිලිව ප්‍රදර්ශනය කරන්නැයි වාහන හිමිකරුවන්ගෙන් ඉල්ලා සිටින බව පොලීසිය අවධාරණය කර සිටියි. පසුගියදා දිවයිනේ සිදුවූ පිපිරීම් හේතුවෙන් සිදුකරනු ලබන සෝදිසි මෙහෙයුම් සදහා මෙම පියවර මනා සහයක් වනු ඇති බැවින් මෙවැනි තීරණයකට එළඹි බවත් එම ආරංචි මාර්ග වැඩිදුරටත් පවසා සිටියි.
