කුරුණෑගල රෝහලේ වෛද්‍යවරයා ගැන තීරණය කරන්න විධායක කමිටුව අද රැස්වනවා – රජයේ වෛද්‍ය නිලධාරීන්ගේ සංගමය
මේ වන විට අත්අඩංගුවට පත්ව සිටින කුරුණෑගල ශික්ෂණ රෝහලේ ප‍්‍රසව හා නාරිවේද වෛද්‍ය සෙයිගු සියාබ්දීන් මොහොමඞ් සාෆි යන තැනැත්තා සම්බන්ධයෙන් සංගමයේ විධායක කමිටුව රැස්වී තීරණයකට එළඹෙන බව රජයේ වෛද්‍ය නිලධාරීන්ගේ සංගමය අවධාරණය කර සිටියි. ඒ අනුව සංගමයේ විධායන සභාව අද (27) දිනයේදී රැස්වන බව ද එම සංගමය වැඩිදුරටත් පවසා සිටියි. අදාළ සැකකාර වෛද්‍යවරයා රජයේ වෛද්‍ය නිලධාරීන්ගේ සංගමයේ සාමාජිකයෙකු වන අතර විධායක කමිටුව විසින් ගනු ලබන තීරණයන්ට අනුව ඉදිරි කටයුතු සිදුකරන බව ද රජයේ වෛද්‍ය නිලධාරීන්ගේ සංගමය තවදුරටත් පවසයි.
