වෛද්‍ය මොහොමඩ් ෂාෆිට එරෙහිව අද කුරුණෑගලදී වෛද්‍යවරුන්ගේ විරෝධතාවයක්..
මෙරට තුළ මේ වන විට දැඩි ආන්දෝලනයකට තුඩුදී තිබෙන කුරුණෑගල රෝහලේ ප්‍රසව හා නාරිවේද වෛද්‍ය මොහොමඩ් ෂාෆි යන අයට එරෙහිව අද (12) දහවල් රෝහල ඉදිරිපිටදී දැවැන්ත විරෝධතාවයක් පළකරන බව රජයේ වෛද්‍ය නිලධාරීන්ගේ සංගමය අනාවරණය කර සිටියි. එම සංගමයේ වයඹ පළාත් ශාඛාව විසින් මෙම විරෝධතාවය දියත් කරනු ලබන අතර කාන්තාවන් වන්ධ්‍යාකරණයට ලක්කළ බවට චෝදනා එල්ල වී ඇති මොහොමඩ් ෂාෆි වෛද්‍යවරයාට එරෙහිව මෙන්ම වත්මන් සෞඛ්‍ය අමාත්‍ය රාජිත සේනාරත්න මහතා එම අමාත්‍යධුරයෙන් ඉවත් කිරීම ඇතුළු කරුණු කිහිපයක් මුල් කරගනිමින් මෙම විරෝධතාවය දියත් කරන බව ද රජයේ වෛද්‍ය නිලධාරීන්ගේ සංගමය තවදුරටත් අනාවරණය කර සිටියි.
