ධුරයන්ගෙන් ඉල්ලා අස්වූ මුස්ලිම් පාර්ලිමේන්තු මන්ත්‍රීවරුන් අද
පසුගියදා මෙරට දී එල්ලවූ ත්‍රස්ත ප්‍රහාරයෙන් පසු ඇතිවූ ගැටළුකාරී තත්ත්වය හමුවේ විවිධ චෝදනා එල්ලවීමත් සමග සිය අමාත්‍ය ධුරයන්ගෙන් ඉල්ලා අස්වූ මුස්ලිම් පාර්ලිමේන්තු මන්ත්‍රීවරුන් අද (18) විශේෂ සාකච්ඡාවක් පැවැත්වීමට නියමිතව ඇතැයි වාර්තා වේ. නැවත අදාළ තනතුරු භාරගැනීම මෙන්ම ඉදිරි කටයුතු සම්බන්ධයෙන් තීරණයකට එළඹීම සදහා මෙම සාකච්ඡාව පවත්වන බව එක්සත් ජාතික පක්ෂ පාර්ලිමේන්තු මන්ත්‍රී මුජිබර් රහුමාන් මහතා අනාවරණය කර සිටියි.
