ජනාධිපතිවරණය පැවැත්වුවත් මෙම වසර තුළදීම පළාත් සභා මැතිවරණය පැවැත්වීමේ කිසිදු ගැටළුවක් නෑ – මැතිවරණ කොමිෂන් සභාවේ සභාපති මහින්ද දේශප්රිය
පළාත් සභා මැතිවරණය පැවැත්වීම සම්බන්ධයෙන් වන අවසන් තීරණය ජනාධිපතිවරයා සතු බව මැතිවරණ කොමිෂන් සභාවේ සභාපති මහින්ද දේශප්රිය මහතා අවධාරණය කර සිටියි. මාධ්ය වෙත අදහස් දක්වමින් මහින්ද දේශප්රිය මහතා මෙම අදහස් පළකර ඇත. ජනාධිපතිවරණයක් පැවැත්වුව ද මෙම වසර තුළදීම පළාත් සභා මැතිවරණය පැවැත්වීම සදහා කිසිදු ගැටළුවක් නොමැති බවත් මේ වන විට ඇතැම් පිරිස් තුළ මතුව ඇති ගැටළුව නම් පළාත් සභා මැතිවරණය, ජනාධිපතිවරණයට පෙර පැවැත්වීමෙන් එම තත්ත්වය ජනාධිපතිවරණයට යම් බාධාවක් වේදැයි යන්න වන නමුත් එවැනි ගැටළුවක් පැනනොනගින බවත් මහින්ද දේශප්රිය මහතා මෙහිදී වැඩිදුරටත් අනාවරණය කර සිටියි.