ඕනෑම විශ්වාසභංගයකට මුහුණ දෙන්න සුදානම් – රිෂාඩ් බදියුදීන්
තමාට විරුද්ධව ගෙන එන ඕනෑම විශ්වාසභංග යෝජනාවකට මුහුණ දීමට තමා සූදානම් බව කර්මාන්ත හා වාණිජ කටයුතු අමාත්‍ය රිෂාද් බදියුදීන් මහතා පවසයි.ඒ මහතා මේ බව පවසා සිටියේ වව්නියාව ප්‍රෙද්ශයේ පැවති වැඩසටහනකට සහභාගී වීමෙන් අනතුරුව මාධ්‍යෙව්දීන් නැගූ ප්‍රශ්න වලට පිළිතුරු ලබා දෙමින්ය. පොලීසිය විසින් තමන් කිසිදු වරදක් නොකළ බව ප්‍රකාශ කර ඇති බවත් පොලිස්පතිවරයා විසින් තමන් වරදක් කර ඇතිනම් පැමිණිලි කරන ලෙසත් දැනුම් දුන් බව හෙතම පවසයි. ඒ සඳහා ලබා දුන් කාලය අතරතුර කිසිදු වරදක් තමන්ට නොමැති බව ඔප්පු වූවාට පසුවත් නැවත විශ්වාසභංග චෝදනාවක් ගෙන එයිනම් එය දේශපාලනික පළිගැනීමක් බවත් කෙසේ නමුත් ඕනෑම අභියෝගයකට මුහුණ දීමට තමන් සූදානම් බව ඒ මහතා පවසයි.
