නව යුද හමුදාපති පත්කිරීම, යුරෝපා සංගමයෙන් ඒකාබද්ධ නිවේදනයක්..
නව යුද හමුදාපතිවරයා ලෙස ලුතිතන් ජෙනරාල් ශවේන්ද්ර සිල්වා මහතාව පත් කිරීම සම්බන්ධයෙන් එක්සත් ජාතීන්ගේ මානව හිමිකම් මහ කොමසාරිස්වරිය විසින් යොමු කර ඇති දැඩි අවධානයට පූර්ණ සහය ලබාදෙන බව සදහන් කරමින් යුරෝපා සංගමය ඒකාබද්ධ නිවේදනයක් නිකුත් කර ඇති බව වාර්තා වේ. ජර්මනය, ඉතාලිය, නෙදර්ලන්තය, නෝර්වේ, ස්විට්සර්ලන්තයන රටවල තානාපති කාර්යාල සහ එක්සත් රාජධානියේ මහ කොමසාරිස් කාර්යාලවල එකඟතාව මත යුරෝපා සංගම් නියෝජිත මණ්ඩලය විසින් අදාළ නිවේදනය නිකුත් කර ඇත.
එහි සදහන් වන්නේ මානව හිමිකම් සහ නීති නීති උල්ලංඝනය කළ බවට චෝදනා එල්ලවී තිබෙන ලුතිනන් ජනරාල් ශවේන්ද්ර සිල්වා මහතා මෙරට යුද හමුදාපති තනතුරට පත්කිරීම සම්බන්ධව තම සංවිධානය ද අවධානය යොමුකරන බවයි. මෙම පත්කිරීම මඟින් සාධාරණත්වය හා වගවීම තහවුරු කිරීම සඳහා 2019 වසරේ මාර්තු මාසයේ දී ශ්රී ලංකාව විසින් එක්සත් ජාතීන්ගේ මානව හිමිකම් කවුන්සිලයට දැක්වු සහයෝගය පිළිබඳ ගැටළු මතු වී ඇති බව ද මෙම නිවේදනය තුළ වැඩිදුරටත් සදහන් වෙයි.