ලැයිස්තුවෙන් පත්ව පක්ෂය විවේචනය කරන පාර්ලිමේන්තු මන්ත්‍රීවරුන්ට එරෙහිව ඉදිරියේදී දැඩි ක්‍රියාමාර්ග ගන්නවා – ශ්‍රී ලංකා නිදහස් පක්ෂය
ජාතික ලැයිස්තුවෙන් පාර්ලිමේන්තුවට තේරී පත්වී පක්ෂය විවේචනය කරන පාර්ලිමේන්තු මන්ත්‍රීවරුන්ට එරෙහිව ඉදිරියේදී දැඩි ක්‍රියාමාර්ග ගන්නා බව ශ්‍රී ලංකා නිදහස් පක්ෂය අවධාරණය කර සිටියි. මාධ්‍ය වෙත අදහස් පළකරමින් ශ්‍රී ලංකා නිදහස් පක්ෂෙය් මහ ලේකම් පාර්ලිමේන්තු මන්ත්‍රී දයාසිරි ජයසේකර මහතා මෙම අදහස් පළකර ඇත. පක්ෂය අතහැර යන ඕනෑම අයෙකු සම්බන්ධයෙන් එකම ආකාරයකින් දැඩි පියවර ගන්නා බව ද මහ ලේකම්වරයා මෙහිදී වැඩිදුරටත් පවසා ඇත. එමෙන්ම ඉදිරි ජනාධිපතිවරණයේදී ශ්‍රී ලංකා නිදහස් පක්ෂයේ ස්ථාවරය හෙළිකිරීමට කිසිදු විටෙක හදිසි නොවන බව ද දයාසිරි ජයසේකර මහතා මෙහිදී තවදුරටත් පවසා ඇත.
