කාසල්රි සහ මවුස්සාකැලේ යන ජලාශවල ජල මට්ටම තවදුරටත් ඉහළට..
මේ වන විට පවතින අධික වර්ෂාව හේතුවෙන් කාසල්රි සහ මවුස්සාකැලේ යන ජලාශවල ජල මට්ටම තවදුරටත් ඉහළ යමින් තිබෙන බව වාර්තා වේ. අද (30) උදෑසන වන විට කාසල්රි ජලාශයේ ජල මට්ටම පිටාර මට්ටමේ අඩි 8 දක්වාත්, මවුස්සාකැලේ ජලාශයේ ජල මට්ටම පිටාර මට්ටමේ අඩි 14 දක්වාත් ඉහළ ගොස් තිබේ. මෙම ජල මට්ටම ඉහළයාමත් සමග කැනියොන්, ලක්ෂපාන, නව ලක්ෂපාන, පොල්පිටිය, විමලසුරේන්ද්‍ර යන විදුලි බලාගාර වල විදුලි උත්පාදනය උපරිම ධාරිතාවෙන් සිදුවන බව ද එම විදුලි බලාගාර භාර ඉංජිනේරුවන් පවසා සිටියි.
